6 may 2014 12:44
3X3 basketbol üzrə I Azərbaycan Turunun ikinci mərhələsi geridə qaldı
Mayın 4-də Mingəçevir şəhərində 3X3 basketbol üzrə I Azərbaycan Turunun ikinci mərhələsi keçirilib. Azerisport.az xəbər verir ki, Cəlilabadda yarışan 10 komanda bu dəfə yeni məkanda öz qüvvələrini sınayıb.
Oyunlar çox gərgin mübarizə şəraitində keçib. Xüsusilə, “Gəncə-1” komandası yaxşı oyun sərgiləyərək, yarımfinalın bir addımlığında, həlledici görüşdə “Cəlilabad-4” komandasına overtaymda məğlub olub.
Qeyd edək ki, qrup mərhələsində “Qala-2” - “Qala-3” qarşılaşmasında ədalətli oyun qaydalarına (Fair play) əməl olunmadığına görə, “Qala-2” qalibiyyətinə baxmayaraq, hər iki komandaya məğlubiyyət verilib. Bu qərar, yarışın təşkilat komitəsinə daxil olan yazılı və şıfahi etirazlardan sonra ABF-nin Nəzarət-Təftiş Komissiyası tərəfindən qəbul edilib.
Finalda “Qala-2” - “Cəlilabad-4” (19:15) və “Qala-1” - “Cəlilabad-1” (21:12) qarşılaşıblar.
Qrup mərhələsi başa çatdıqdan sonra turun iştirakçıları 3 xallıq atışlar üzrə öz məharətlərini sınayıblar. Bu yarışmada ən yüksək nəticəni Tahir Baxşıyev (15) və Polad Həsənov (15) göstəriblər.
Növbəti mərhələ mayın 11-də Şırvan şəhərində keçiriləcək.
Yekun:
Qala-1 - 24 xal
Cəlilabad-1 - 20 xal
Qala-2 - 16 xal
Cəlilabad-4 - 12 xal
Qala-1 - 24 xal
Cəlilabad-1 - 20 xal
Qala-2 - 16 xal
Cəlilabad-4 - 12 xal
(ABF)
