Rəhimov BEİF-in prezidenti ilə görüşdü
Bu gün gənclər və idman naziri Azad Rəhimov Beynəlxalq elektron-idman federasiyasının prezidenti Byung Hun Junla görüşüb. Azerisport.az xəbər verir ki, gürüşün əsas məqsədi Azərbaycan Respublikasının Prezidenti cənab İlham Əliyevin 2 sentyabr 2014-cü il tarixli Sərəncamına müavafiq olaraq 13 noyabr 2014-cü il tarixdə Bakıda start götürəcək Kompüter oyunları üzrə VI Dünya çempionatı ətrafında müzakirələr aparıb, gerçəkləşəcək tədbir haqda fikir mübadiləsinin bölüşdürülməsi olub.
Nazir Azad Rəhimov Azərbaycanda gənclərin kompüter oyunlarına çox böyük maraq göstərdiyini diqqətə çatdırıb, bu sahədə nazirlik tərəfinədən hər il republika üzrə yarışların keçirildiyini, Bakının Beynəlxalq BMT Təhlükəsizlik Şurası Model Konfransına ev sahibliyi etdiyini bildirib.
Azad Rəhimov: “Ötən il Azərbaycanda gerçəkləşən kompüter oyunları üzrə respublika çempionatında 2500-dən artıq gənc aktiv şəkildə iştirak edib. Bu gün Azərbaycanın 20% torpaqlarının işğal altında olmasından irəli gələrək, gənclərimiz tərəfindən “Şuşanın işğalı”, “Ağdamın işğalı” adlı vətənpərvərlik ruhunda kompüter oyunları işlənib hazırlanır".
Qonaq Byung Hun Jun ölkə başçısı İlham Əliyev tərəfində Bakıda Kompüter oyunları üzrə VI Dünya çempionatının keçirilməsi ilə bağlı imzalanmış Sərəncam üçün dövlətimizə öz təşəkkürünü bildirdi.
Byung Hun Jun : “Digər ölkələrlə müqayisədə Azərbaycan kompüter oyunları üzrə Dünya çempionatına çox böyük diqqət və maraq ayırır. Bu gün İT sahəsinin günbəgün inkişafı gənc nəsil arasında bu sahəyə marağı daha da artırır. Əminəm ki, Bakıda baş tutacaq Kompüter oyunları üzrə VI Dünya çempionatı İT sahəsinin inkişafında yeni addım olacaq". (AGİN-in mətbuat xidməti)
