16 aprel 2012 18:09
Azad Rəhimov: Bu, bizim üçün yaxşı təcrübə oldu
2018-ci il Rusiyada keçiriləcək FİFA Dünya Kubokunun təşkilat komitəsinin rəhbərinin fikrincə Bakı 2020 Olimpiya və Paralimpiya oyunlarına ev sahibliyi etmək üçün növbəti mərhələyə keçməyə çox layiqdi. Azerisport.az xəbər verir ki, Doha, İstanbul, Madrid və Tokyo kimi rəqibləri ilə birgə Milli Olimpiya Komitələrinin Baş Assambleyasında etdiyi yüksək səviyyəli təqdimatı ilə Bakı 2020 nümayəndə heyəti hər kəsi heyrətləndirə bildi.
Ölkənin birinci xanımı, Heydər Əliyev Fondunun prezidenti Mehriban xanım Əliyevanın 10 dəqiqəlik təqdimatına Hollivud rejissoru Rupert Vaynraytın çəkdiyi qısa film daxil edilmişdi ki, bu da böyük sürpriz oldu.
Rusiya 2018 təşkilat komitəsinin icraçı direktoru Aleksey Sorokin: “Düşünürəm ki, təqdimat izləyiciləri “heyrətləndirdi”. Mehriban xanımın çıxışı və təqdimat çox gözə idi. Görünür ki, ölkə həqiqətən 2020-ci il Olimpiya Paralimpiya oyunlarına ev sahibliyi etmək hüququna layiqdir.”
Moskvanın 2012 Olimpiya və Paralimpiya oyunlarına ev sahibliyi namizədliyinə rəhbərlik etmiş Sorokinin fikrincə mayın 23-də Kanadanın Kvebek şəhərində Bbeynəlxalq Olmpiya Komitəsinin idarə heyətinin qərarına əsasən bütün beş şəhərin növbəti mərhələyə keçməsi daha məqsədə uyğun olardı. Aleksey Sorokin: “Düşünürəm ki, Beynəlxalq Olimpiya Komitəsi bütün ölkələrə mübarizəni davam etdirmək üçün imkanlar yaradacaq. Nəzərə almaq lazımdır ki, Roma artıq mübarizədən geri çəkilib. Hal hazırki durumda bütün namizəd ölkələr finala çatmağa layiqdirlər.”
Azərbaycanın Gənclər və İdman naziri Azad Rəhimovun fikrincə, Azərbaycanın etdiyi təqdimat mübarizə yolunda böyük dönüşə səbəb ola bilər. Bakının 2016-cı il Olimpiya oyunlarına ev sahibliyi etməsi istiqamətində mübarizə birinci mərhələdə uğursuz olsa da, bu bizim üçün böyük təcrübə oldu.
Azad Rəhimov: “2016 bizim üçün yaxşı təcrübə oldu. Əgər hal-hazırki, şəhəri dəyişmək uğrundadırsa, biz bu dəfə daha yaxşı hazırlıqlıyıq. 2020-ci il üçün konsepsiyamızı daha dəqiq hazırlmışıq. Bizim beynəlxalq tərəfdaşlarımızdan biri Pekin 2008, Vankuver 2010, Soçi 2014, Pyeongchang 2018 və Rusiya 2018 FİFA Dünya Kuboku qələbələrini qazanmış Helius Partnersdir.”
Azad Rəhimov: “Mən Beynəlxalq Olimpiya Komitəsi və Beynəlxalq Federasiya nümayəndələrindən çox müsbət rəylər almışam. Xatirimdədir, 2016-cı ilə namizəd olarkən, yazırsılar ki, “Bakının namizədliyi ciddi deyil”. Lakin bu dəfə münasibət tam fərqlidir. Artıq dünya bizə başqa gözlə baxır.”
(GİN Mətbuat xidməti)
