18 aprel 2011 12:11
Azad Rəhimov İordaniyaya səfərə yollanıb
Bu gün gənclər və idman naziri Azad Rəhimov İordaniyaya rəsmi səfərə yollanıb. Azerisport.az xəbər verir ki, nazir İordaniya Haşimilər Krallığı Gənclərlə iş üzrə Ali Şurasının sədri tərəfindən bu ölkəyə dəvət olunub.
O, iki ölkə arasındakı əməkdaşlıq proqramı və sazişin müddəalarından irəli gələn məsələləri müzakirə etmək məqdsədi ilə səfərə gedib. Qeyd edək ki, 12 okytabr 2009-cu ildə Əmman şəhərində “Azərbaycan Respublikası Hökuməti və İordaniya Haşimilər Krallığı Hökuməti arasında 2010-2011-2012-ci illər üçün elm və təhsil, mədəniyyət və incəsənət, gənclər və idman, arxeologiya, səhiyyə və media sahələri üzrə İcraedici Əməkdaşlıq Proqramı” imzalanıb. Bununla yanaşı, İordaniya Haşimilər Kralı II Abdullahın Azərbaycan Respublikasına rəsmi səfəri çərçivəsində 16 may 2010-cu il tarixdə “Azərbaycan Respublikasının Gənclər və İdman Nazirliyi və İordaniya Haşimilər Krallığının Ali Gənclər Şurası arasında gənclərlə iş sahəsində əməkdaşlıq haqqında Saziş” imzalanıb.
Səfər 21 aprel 2011-ci il tarixinədək davam edəcək.
