Millimiz Avropa Millətlər Kubokunun finalına yüksəldi
Bu gün Rusiyanın paytaxtı Moskvada güləş üzrə Avropa Millətlər Kuboku turniri start götürüb. Azerisport.az xəbər verir ki, komanda yarışı xarakterli turnirdə Azərbaycanla yanaşı, Rusiya, Türkiyə, Ukrayna, Belarus, Macarıstan, Bolqarıstan, İsveç yığmaları iştirak edir.
İlk gün qadın güləşçilər mübarizə aparıb. Reqlamentə əsasən, komandalar iki yarımqrupda yarışıb. Püşkatmanın nəticələrinə əsasən, Azərbaycan güləşçiləri Ukrayna və Bolqarıstanla eyni yarımqrupda mübarizə aparıb. Qadın güləşçilərimiz hər iki görüşü 5:3 hesablı qələbə ilə başa vuraraq yarımqrupu ilk sırada tamamlayıb. Digər yarımqrupda Rusiya güləşçiləri birinci olub. Yarımqrupda birinci yeri tutan komandalar finalda qarşılaşacaq.
Beləliklə, Avropa Millətlər Kuboku turnirində qadın güləşçilərin mübarizəsində final görüşü Azərbaycan və Rusiya yığmaları arasında olacaq. Final görüşü 8 noyabr saat 17:30-da başlayacaq.
B yarımqrupu
Bolqarıstan - AZƏRBAYCAN 3:5
48 kq Georgiyeva - Patimat Baqomedova 4:10
53 kq Yankova - Solmaz Həşimzadə 9:8
55 kq Nikolova - Alyona Kolesnik 8:0
58 kq Hristova - İrina Netreba 0:3
60 kq Bobeva - Nataliya Sinişin 2:1
63 kq Taybe Yusein - Elmira Qəmbərova 4:6
69 kq Vaseva - Nadya Sementsova 1:6
75 kq İvanova - Gözəl Zutova 3:5
AZƏRBAYCAN - Ukrayna 5:3
48 kq Patimat Baqomedova - Ribak 9:0
53 kq Solmaz Həşimzadə - Blaxina 5:2 (tuşe)
55 kq Alyona Kolesnik - Xariv 8*:8
58 kq İrina Netreba - Anna Vasilenko 0:3
60 kq Anna Sinişin - Tatyana Omelçenko 3:6
63 kq Elmira Qəmbərova - Svetlana Rıjikova 4:3
69 kq Nadya Sementsova - Alina Maxina 2:4
75 kq Gözəl Zutova - Katerina Burmistrova 14:2
Bu yarışda yığmamız baş məşqçi Semyon Çterev, böyük məşqçi Konstantin Konorevin rəhbərliyi altında mübarizə aparır. Heyətdə Ayan Məmmədova (48 kq), Patimat Baqomedova (53 kq), Solmaz Həşimzadə, Alyona Kolesnik (hər ikisi 55 kq), İrina Netreba (58 kq), Nataliya Şinişin (60 kq), Elmira Qəmbərova (63 kq), Nadya Sementsova (69 kq), Səbirə Əliyeva və Gözəl Zutova (75 kq) yer alıb.
