Yığmanın mətbuat üçün açıq məşqi

25-27 iyul 2014-cü il tarixdə Bakıda ümummilli lider Heydər Əliyevin xatirəsinə həsr olunmuş güləş üzrə "Qızıl Qran Pri" beynəlxalq turnirinin final mərhələsi keçiriləcək. Azerisport.az xəbər verir ki, yarışda iştirak edəcək güləş üzrə ölkə yığma komandaları təlim-məşq toplanışlarını davam etdirir.

Sərbəst güləş üzrə ölkə yığma komandası hazırlığın ilkin mərhələsini Xaçmaz Olimpiya İdman Kompleksində başa vurub. Hal-hazırda Olimpiya Güləş Mərkəzində davam edən təlim-məşq toplanışında yığmamızın üzvləri ilə yanaşı, ABŞ sərbəst güləşçiləri də iştirak edir.

18 iyul 2014-cü il tarixdə saat 11:00-da Olimpiya Güləş Mərkəzində hazırlığı davam etdirən sərbəst güləş üzrə yığma komandanın mətbuat üçün açıq məşqi keçiriləcək. (AGF)