16 may 2014 00:05
AGF I vitse-prezidenti güləşçilərimizin yanında olub
İran İslam Respublikasının paytaxtı Tehran şəhərində yunan-roma güləşi üzrə böyüklər arasında Dünya Kuboku yarışları start götürüb. Yarışda Azərbaycanla yanaşı, Rusiya, Koreya, Qazaxıstan, Macarıstan, Türkiyə, İran, Finlandiya, Ermənistan və ABŞ güləşçiləri iştirak edir.
Yarışların ilk günündə yığma komandamızın üzvləri İran, Ermənistan və Koreya güləşçiləri ilə qarşılaşıb. Komandamız İran yığmasına uduzsa da, Ermənistanı 8:0, Koreyanı 5:3 hesabı ilə məğlub edib. Proqrama əsasən, güləşçilərimiz sabah qrupda sonuncu görüşünü Finlandiyaya qarşı keçirəcək.
Azərbaycan Güləş Federasiyasının I vitse-prezidenti, FILA İcraiyyə Komitəsinin üzvü cənab Namiq Əliyev fəxri qonaq qismində Dünya Kuboku yarışlarında iştirak edir. Yığma komandamızın keçirdiyi görüşləri Arenada seyr edən AGF I vitse-prezidenti Namiq Əliyev güləşçilərimizlə də görüşüb. Qazanılan qələbələr münasibətilə yığma üzvlərini təbrik edən AGF rəsmisi komandaya qarşıdakı görüşlərdə uğurlar arzulayıb.
Namiq Əliyev daha sonra ANS TV-nin İran İslam Respublikasının paytaxtındakı müxbirinin suallarını cavablandırıb. Müsahibə efirdə yayımlandıqdan sonra AGF saytında yerləşdiriləcək.
Yarışların ilk günündə yığma komandamızın üzvləri İran, Ermənistan və Koreya güləşçiləri ilə qarşılaşıb. Komandamız İran yığmasına uduzsa da, Ermənistanı 8:0, Koreyanı 5:3 hesabı ilə məğlub edib. Proqrama əsasən, güləşçilərimiz sabah qrupda sonuncu görüşünü Finlandiyaya qarşı keçirəcək.
Azərbaycan Güləş Federasiyasının I vitse-prezidenti, FILA İcraiyyə Komitəsinin üzvü cənab Namiq Əliyev fəxri qonaq qismində Dünya Kuboku yarışlarında iştirak edir. Yığma komandamızın keçirdiyi görüşləri Arenada seyr edən AGF I vitse-prezidenti Namiq Əliyev güləşçilərimizlə də görüşüb. Qazanılan qələbələr münasibətilə yığma üzvlərini təbrik edən AGF rəsmisi komandaya qarşıdakı görüşlərdə uğurlar arzulayıb.
Namiq Əliyev daha sonra ANS TV-nin İran İslam Respublikasının paytaxtındakı müxbirinin suallarını cavablandırıb. Müsahibə efirdə yayımlandıqdan sonra AGF saytında yerləşdiriləcək.
(AGF)
