AÇ-2014-ün üçüncü günü 2 güləşçimiz 5-ci oldu

Bolqarıstanın Samokov şəhərində yeniyetmə güləşçilər arasında Avropa çempionatı davam edir. Azerisport.az xəbər verir ki, çempionatın üçüncü günündə 38, 43, 49, 56 və 65 kq çəki dərəcəsində yeniyetmə qızlar mübarizəyə qoşulub. Azərbaycan 3 çəki dərəcəsində təmsil olunub.

43 kq-da mübarizə aparan Ülkər Babayeva ilk görüşündə Rusiya güləşçisini üstələyib, ancaq yarımfinalda Ukrayna güləşçisi ilə görüşü uduzub. Bürünc medal uğrunda güləşçimiz Polşa təmsilçisi ilə qarşılaşıb. Ancaq gərgin keçən qarşılaşma rəqibin qələbəsi ilə başa çatıb və Ülkər beşinci yerlə kifayətlənib.

56 kq çəkidə Ləman Qurbanova da ilk görüşünü qələbə ilə başlayıb. Bolqarıstan təmsilçisini mübarizədən kənarlaşdıran güləşçimiz Polşalı rəqibinə uduzub. İtaliya təmsilçisi ilə təsəlliverici görüşdən üstün ayrılan Ləman Qurbanova bürünc medal uğrunda həlledici görüşə çıxıb. Türkiyə idmançısı ilə görüş isə güləşçimiz üçün uğurlu alınmayıb və o, Avropa çempionatı 5-ci sırada tamamlayıb.

43 kq
1/4 final - Ülkər Babayeva - Atanaska Ruseva (RUS) 12:2
1/2 final - Ülkər Babayeva - Yevgeniya Pavlova (UKR) 0:11
Bürünc medal görüşü - Dominika Jupoviç (POL) - Ülkər Babayeva 5:4

49 kq
1/8 final - Evelina Ciunek (POL) - Tatyana Varantsova 8:4
Təsəlliverici görüş - Tatyana Varantsova - Aleksandra Nitsenko (RUS) 0:4

56 kq
1/8 final - Neli Georgieva (BUL) - Ləman Qurbanova 5:6
1/4 final - Ləman Qurbanova - Aleksandra Volçinzska (POL) 0:10
Təsəlliverici görüş - Aurora Campagna (ITA) - Ləman Qurbanova 1:5
Bürünc medal görüşü - Ləman Qurbanova - Ayşe Vatansever (TUR) 4:6