AÇ-2014-ün ikinci günü 2 qızıl, 1 gümüş və 1 bürünc medal

Bolqarıstanın Samokov şəhərində yeniyetmə güləşçilər arasında Avropa çempionatı davam edir. Azerisport.az xəbər verir ki, çempionatın ikinci günündə 46, 54, 63, 76 və 100 kq çəki dərəcəsində sərbəst güləşçilər mübarizəyə qoşulub.

Xatırladaq ki, bu çəki dərəcələri Nanjinqdə keçiriləcək yeniyetmələrin ikinci Olimpiya Oyunlarına lisenziya qazandırır. Güləşçilərimiz 5 mümkün lisenziyadan 3-nü qazana bilib. 46, 63 və 100 kq-da lisenziya qazanan sərbəst güləşçilərimiz Nanjinqdə 2 çəki dərəcəsində təmsil olunacaq.

Güləşçilərimiz çempionatın ikinci gününü 2 qızıl, 1 gümüş və 1 bürünc medalla tamamlayıb.

46 kq-da mübarizə aparan Elvin Namazov ardıcıl olaraq Makedoniya, Macarıstan və Türkiyədən olan rəqiblərini üstələyib və finala vəsiqə qazanaraq Olimpiya Oyunlarına lisenziyanı təmin edib. Finalda güləşçimiz Rusiya təmsilçisi ilə gərgin keçən görüşdə uduzub və gümüş medalla kifayətlənib.

54 kq çəkidə Mahir Əmiraslanov mübarizəyə Türkiyə təmsilçisi üzərində qələbə ilə başlasa da, Rusiya güləşçisinə uduzub. Rəqibin finala yüksəlməsi ilə güləşçimiz təsəlliverici görüşə qatılıb. Fransa güləşisini məğlub edən Mahir Əmiraslanov bürünc medal uğrunda görüşə çıxıb. Həlledici görüşdə Ukrayna təmsilçisi ilə gərgin keçən qarşılaşma rəqibin üstünlüyü ilə tamamlanıb.

63 kq-da mübarizə aparan Teymur Məmmədov ardıcıl olaraq İtaliya, Ermənistan, Polşa və Türkiyə güləşçilərini mübarizədən kənarlaşdırıb və finala yüksəlib. Güləşçimiz Olimpiya Oyunlarına lisenziyanı təmin edib. Çempionluğun bir addımlığında onun son rəqibi Rusiya təmsilçisi olub. Rəqibinə heç bir şans verməyən güləşçimiz tam üstünlüklə qələbə qazanıb və çempionatın qızıl medalına sahib olub.

76 kq çəki dərəcəsində Hacımurad Məhəmmədsəidov Rumıniya və Yunanıstandan olan rəqiblərini tam üstünlüklə məğlub etsə də, yarımfinalda gürcü rəqibi ilə gərgin keçən görüşdən məğlub ayrılıb. Ancaq bürünc medal uğrunda həlledici görüşdə alman rəqibindən üstün olan güləşçimiz fəxri kürsünün 3-cü pilləsində qərarlaşıb.

100 kq-da yığmamızın üzvü İqbal Hacızadə də Nanjinqdə keçiriləcək Olimpiya Oyunlarına lisenziya qazanıb. Türkiyə, Litva və Polşa güləşçiləri üzərində qələbə güləşçimizi finala yüksəldib. Finalda Moldovalı rəqibini də məğlub edən İqbal Hacızadə Avropa çempionatının qızıl medalını qazanıb.

46 kq
1/8 final - Elmedin Seyfulau (MKD) - Elvin Namazov 6:6*
1/4 final - Marton Nemeth (HUN) - Elvin Namazov 0:6
1/2 final - Cabbar Duyom (TUR) - Elvin Namazov 12:17
FİNAL - Elvin Namazov - İsmayıl Hacıyev (RUS) 10:12

54 kq
1/8 final - Mahir Əmiraslanov - Rıdvan Özbey (TUR) 4:1
1/4 final - Mahir Əmiraslanov - Əmirxan Quvajokov (RUS) 6:13
Təsəlliverici görüş - Jan Baptiste Miserere (FRA) - Mahir Əmiraslanov 1:6
Bürünc medal görüşü - Mahir Əmiraslanov - Andrey Yatsenko (UKR) 6:8

63 kq
1/16 final - Teymur Məmmədov - T.Çiara (ITA) 12:1
1/8 final - Gevorg Mxeyan (ARM) - Teymur Məmmədov 2:7
1/4 final - Teymur Məmmədov - Lukasz Qrzibovski (POL) 10:0
1/2 final - Muhammed Küçükyıldırım (TUR) - Teymur Məmmədov 0:5
FİNAL - Zaur Tokaev (RUS) - Teymur Məmmədov 0:10

76 kq
1/8 final - Hacımurad Məhəmmədsəidov - M.Marin (ROU) 10:0
1/4 final - Teodoros Kriakidis (GRE) - Hacımurad Məhəmmədsəidov 1:12
1/2 final - Hacımurad Məhəmmədsəidov - Meki Simonia (GEO) 6:7
Bürünc medal görüşü - Yohan Steinfort (GER) - Hacımurad Məhəmmədsəidov 0:10

100 kq
1/8 final - İqbal Hacızadə - Yusuf Oğuzhan (TUR) 10:0
1/4 final - Denis Nedobor (LTU) - İqbal Hacızadə 1:12
1/2 final - Karol Turçinski (POL) - İqbal Hacızadə 8:12
FİNAL - İqbal Hacızadə - Dmitri Ceacusta (MDA) 12:7