14 aprel 2014 12:00
Yeniyetmə güləşçi qızlarımız Antalyadan 6 medalla qayıdır
Türkiyənin Antalya şəhərində yeniyetmə güləşçilər arasında 17-ci "Zəfər Kuboku" beynəlxalq turniri keçirilib. Azerisport.az xəbər verir ki, turnirdə Türkiyə, Rusiya, Almaniya, Fransa, Belarus, Gürcüstan, İran, Ermənistan, Bolqarıstan, Qazaxıstan, Qırğızıstanla yanaşı, ölkəmizin yeniyetmə qızlardan ibarət yığma komandası da iştirak edib.
Yeniyetmə qızlarımız turniri 3 qızıl, 2 gümüş və 1 bürünc medalla başa vurub. Qızıl medalları yığmamıza Tatyana Vorontsova (49 kq), Leyla Qurbanova (52 kq) və Anita Kələntərova (70 kq) qazandırıb. Türkan Nəsirova (46 kq) və Səbinə Həmzəlzadə (49 kq) yalnız final görüşündə uduzub və gümüş medala sahib olub. 52 kq-da digər təmsilçimiz Şəbnəm Əhmədova isə bürünc medala layiq görülüb.
Məşqçilər Arif Fərmanov və Siracuddin Eldarovun rəhbərliyi altında 7 güləşçimiz turnirdə qüvvəsini sınayıb, onlardan 6-sı fəxri kürsüdə qərarlaşa bilib. Yığmamız komanda hesabında isə, Türkiyə və Qazaxıstandan sonra üçüncü yeri tutub.
Görüşlərin idarə edilməsində beynəlxalq dərəcəli hakim Rövşən Azadov ölkəmizi təmsil edib.
Yeniyetmə qızlarımız turniri 3 qızıl, 2 gümüş və 1 bürünc medalla başa vurub. Qızıl medalları yığmamıza Tatyana Vorontsova (49 kq), Leyla Qurbanova (52 kq) və Anita Kələntərova (70 kq) qazandırıb. Türkan Nəsirova (46 kq) və Səbinə Həmzəlzadə (49 kq) yalnız final görüşündə uduzub və gümüş medala sahib olub. 52 kq-da digər təmsilçimiz Şəbnəm Əhmədova isə bürünc medala layiq görülüb.
Məşqçilər Arif Fərmanov və Siracuddin Eldarovun rəhbərliyi altında 7 güləşçimiz turnirdə qüvvəsini sınayıb, onlardan 6-sı fəxri kürsüdə qərarlaşa bilib. Yığmamız komanda hesabında isə, Türkiyə və Qazaxıstandan sonra üçüncü yeri tutub.
Görüşlərin idarə edilməsində beynəlxalq dərəcəli hakim Rövşən Azadov ölkəmizi təmsil edib.
(AGF)
