8 aprel 2014 18:00
Elnur Məmmədli Toğrul Əsgərova dəstək oldu: Toğrula dəstək lazımdır
Cüdo üzrə olimpiya çempionu, ikiqat Avropa çempionu Elnur Məmmədli azerisport.az saytına müsahibəsində güləşçi Toğrul Əsgərovun Finlandiyada keçirilən Avropa çempionatında məğlubiyyətini şərh edib.
Məmmədlinin sözlərinə görə Toğrulun məğlubiyyəti onun üçün gözlənilməz olub: "Toğrul Əsgərov dünyanın ən güclü güləşçilərindən biridir. Finlandiyada onun uğur qazanacağına ümidim var idi. Sadəcə, unutmaq olmaz ki, çəkisini dəyişəndən sonra bir qədər zaman lazım olur. Məhz bu məqama görə narahatlıq keçirirdim. Toğrulun ilk görüşdə uduzması məni də üzdü. Bununla belə onun tezliklə bizi yeni qələbələrlə sevindirəcəyinə inanıram".
Elnur Məmmədli məğlubiyyətdən sonra Toğrul Əsgərovun dəstəyə ehtiyacı olduğunu söyləyib: "Hər bir idmançı nə vaxtsa məğlub olur. Bu, bir növ dərs olur. İndi Toğrul səhvlərini başa düşəcək. Mən istərdim, biz hamımız ona dəstək olaq. Qələbə zamanı hamı yanında olurdu. Əsl dostlar və onu sevənlər indi özünü göstərməlidir. Toğrul yalnız olimpiadada qələbə qazanmayıb. O, dünya çempionatında gümüş, Avropa çempionatında qızıl qazanıb. Bu qədər uğur təsadüf ola bilməz. Deməli, o səviyyəli və güclü idmançıdır. Finlandiyadan əvvəl bir müddət çıxış etməyib. Ən vacib isə çəkisini dəyişdirməsidir. İdmançılar bizi başa düşər. Çəki dəyişən zaman yeni rəqiblərə öyrəşmək lazımdır. Bir müddət narahatlıq ola bilər. Xalqımız hər zaman ondan qızıl medal gözləyir. Amma uğursuzluq zamanı da onun yanında olmaq gərəkdir. Bu gün biz ona dəstək olmalıyıq ki, Toğrul gələcəkdə də bizi sevindirsin".
Veteran cüdoçu güləşçinin yaxın zamanlarda yeni qələbələrlə bizi sevindirəcəyinə əminlik bildirdi. Onun fikrincə, Avropa çempionatında məğlubiyyət Əsgərova yaxşı mənada təsir göstərəcək: "Belə məğlubiyyət idmançıya həyata və karyerasına yenidən baxmağa məcbur edir. Toğrul məsuliyyəti dərk edəcək. Müəyyən zaman lazımdır. Bundan sonra o yenidən mötəbər yarışlarda Azərbaycan bayrağını yüksəldəcək. Bir məqamı qeyd etmək istərdim. Toğrul başa düşürdü ki, hamı ondan uğur gözləyir. Bu özü də bəzən idmançını təzyiq içində saxlayır".
Elnur Məmmədli məğlubiyyətdən sonra Toğrul Əsgərovun dəstəyə ehtiyacı olduğunu söyləyib: "Hər bir idmançı nə vaxtsa məğlub olur. Bu, bir növ dərs olur. İndi Toğrul səhvlərini başa düşəcək. Mən istərdim, biz hamımız ona dəstək olaq. Qələbə zamanı hamı yanında olurdu. Əsl dostlar və onu sevənlər indi özünü göstərməlidir. Toğrul yalnız olimpiadada qələbə qazanmayıb. O, dünya çempionatında gümüş, Avropa çempionatında qızıl qazanıb. Bu qədər uğur təsadüf ola bilməz. Deməli, o səviyyəli və güclü idmançıdır. Finlandiyadan əvvəl bir müddət çıxış etməyib. Ən vacib isə çəkisini dəyişdirməsidir. İdmançılar bizi başa düşər. Çəki dəyişən zaman yeni rəqiblərə öyrəşmək lazımdır. Bir müddət narahatlıq ola bilər. Xalqımız hər zaman ondan qızıl medal gözləyir. Amma uğursuzluq zamanı da onun yanında olmaq gərəkdir. Bu gün biz ona dəstək olmalıyıq ki, Toğrul gələcəkdə də bizi sevindirsin".
Veteran cüdoçu güləşçinin yaxın zamanlarda yeni qələbələrlə bizi sevindirəcəyinə əminlik bildirdi. Onun fikrincə, Avropa çempionatında məğlubiyyət Əsgərova yaxşı mənada təsir göstərəcək: "Belə məğlubiyyət idmançıya həyata və karyerasına yenidən baxmağa məcbur edir. Toğrul məsuliyyəti dərk edəcək. Müəyyən zaman lazımdır. Bundan sonra o yenidən mötəbər yarışlarda Azərbaycan bayrağını yüksəldəcək. Bir məqamı qeyd etmək istərdim. Toğrul başa düşürdü ki, hamı ondan uğur gözləyir. Bu özü də bəzən idmançını təzyiq içində saxlayır".
