Vehbi Emrenin xatirə turnirində ikinci gün: 1 gümüş və 1 bürünc medal
İstanbulda Vehbi Emrenin xatirəsinə həsr olunmuş 32-ci beynəlxalq turnir başa çatıb. Ahmet Cömert Spor Salonunda keçirilən turnirdə yunan-Roma güləşi üzrə yığma komandamızla bərabər, Türkiyə, Qazaxstan, Ukrayna, Rusiya, Belarus, Bolqarıstan, Gürcüstan, Moldova, Litva, Özbəkistan, İran, Livan, Rumıniya və Qırğızıstandan olan güləşçilər də mübarizə aparıb.
Turnirin ilk günündə yığma komandamız 1 qızıl və 2 bürünc medala sahib olub. Rəsul Çunayev (71 kq) qızıl, Rüstəm Əliyev (71 kq) və Saman Təhmasibi (98 kq) bürünc medal əldə edib.
Turnirin ikinci günündə 66, 75, 85 və 130 kq çəkidə pəhləvanlar mübarizəyə qoşulub. Güləşçilərimiz günü 1 gümüş və 1 bürünc medalla başa vurub.
85 kq-da mübarizə aparan Şəhriyar Məmmədov finala qədər maneəsiz irəliləyib. Ardıcıl olaraq iki Türkiyəli və Özbəkistanlı rəqiblərini məğlub edən güləşçimiz finalda Belarus təmsilçisi ilə qarşılaşıb. Görüşü məğlub başa vuran Şəhriyar gümüş medalla kifayətlənib.
75 kq-da Elvin Mürsəliyev ilk görüşünü qələbə ilə başa vursa da ikinci görüşdə məğlub olub. Rəqibinin finala çıxması ilə təsəlliverici görüşə qatılmaq şansı qazanan güləşçimiz bu imkanı yaxşı dəyərləndirib və vaxtından əvvəl görüşün taleyini həll edib. Medal yolunda həlledici görüşdə Elvin Mürsəliyev İran güləşçisi qarşılaşıb. Minimal hesablı qələbə qazanan güləşçimiz bürünc medala sahib olub.
Ümumilikdə 1 qızıl, 1 gümüş və 3 bürünc medal qazanan güləşçilərimiz 39 xal toplayaraq komanda hesabında üçüncü yeri tutub. Türkiyə birinci, Belarus ikinci sırada qərarlaşıb.
66 kq
1/16 final - Kamran Məmmədov - Janibek Kandibayev (KAZ) 10-8
1/16 final - Ruhin Mikayılov - Arçil Turmanidze (GEO) 0-7
1/8 final - Kamran Məmmədov - Bobirek Zaylobidinov (UZB) 3-0
1/4 final - Zaur Kabaloev (RUS) - Kamran Məmmədov 3-0
75 kq
1/8 final - Elvin Mürsəliyev - Şeref Tüfeng (TUR) 5-2
1/4 final - Emrah Kuş (TUR) - Elvin Mürsəliyev 8-0
Təsəlliverici görüş - Batuhan Koyuncu (TUR) - Elvin Mürsəliyev 0-8
Bürünc medal görüşü - Elvin Mürsəliyev - Payam Bouyeri Payani (İRİ) 1-0
85 kq
1/8 final - Ahmet Yıldırım (TUR) - Şəhriyar Məmmədov 0-2
1/4 final - Şəhriyar Məmmədov - Sadık Keskin (TUR) 4-3
1/2 final - Şəhriyar Məmmədov - Rustam Assakalov (UZB) 2*-2
FİNAL - Cavid Hamzatov (BLR) - Şəhriyar Məmmədov 8-0
130 kq
1/8 final - Vitali İlnidski (RUS) - Sabah Şəriəti
(AGF)
