21 noyabr 2013 17:50
Çaba Xeketuş: FILA prezidentinin Bakıya gəlməməyi işinin çoxluğu ilə əlaqəlidir
FILA-nın büro üzvü Çaba Xeketuş Güləş üzrə Qızıl Qran-Pri yarışı haqda fikirlərini bildirməklə yanaşı, FILA prezidentinin Bakıya səfər etməməyi ilə bağlı şərh verib. Azerisport.az xəbər verir ki, Xeketuş bunları söyləyib:
“Biz yarışın təşkilindən razıyıq. Bu yarışlar digərlər yarışlardan fərqlənir. Bu il BOK güləşi Olimpiya proqramından çıxardı və sonra qərarını dəyişərək qaytardı. Bakıdakı yarışlarla biz bir daha güləşin düzgün yolda olduğunu sübut etməli, onun Olimpiya ailəsində layiqli yer tutduğunu göstərməliyik. Qızıl Qran-Pridə 31 ölkədən 300 idmançı çıxış edəcək.
Federasiyanız FILA üçün yaxşı tərəfdaşdır. FILA prezidenti Bakıya gələ bilməsə də, öz salamlarını göndərib. Düşünməyin ki, FILA prezidentinin Bakıya gəlməməyinə səbəb, FILA və AGF arasındakı hər hansı soyuqluqdur, yox. Bu, sadəcə olaraq onun vacib işlərinin çoxluğu ilə əlaqəlidir. O, gələcəkdə Bakıya səfər edəcək. Azərbaycan aparıcı güləş ölkəsidir. Londonda iki qızıl medal qazanması ilə bunu sübut etdi”.
