1 iyul 2013 11:05
Azərbaycan yığmasının Avropa çempionatı üçün heyəti açıqlandı
2-7 iyul 2013-cü il tarixdə Makedoniyanın Skopye şəhərində gənclər arasında güləş üzrə Avropa çempionatı keçiriləcək. Azerisport.az xəbər verir ki, oroqrama əsasən, iyulun 2-3-də yunan-Roma, 4-5 iyulda gənc qızlar, 6-7 iyul tarixində isə sərbəst güləş yarışları keçiriləcək.
Yunan-Roma güləşi üzrə yarışlarda ölkəmizi Ramiz Məmmədov (50 kq), Sakit Quliyev (55 kq), Elman Muxtarov (60 kq), Ruhin Mikayılov (66 kq), Hacımurad Bağmanov (74 kq), Orxan Nuriyev (84 kq), Əli Həsənov (96 kq) və Abbas Abdullayev (120 kq) təmsil edəcək. Komandaya rəhbərliyi böyük məşqçi Şaban Donat və məşqçi Akif Əliyev edəcək.
Avropa çempionatında iştirak edəcək gənc qızlar böyük məşqçi Arif Fərmanov və məşqçi Həsrət Məmmədyarovun rəhbərliyi altında Makedoniyaya yollanacaq. Heyətdə Sahilə Ələkbərova (44 kq), Kəmalə Əliyeva (48 kq), Patimat Baqomedova (51 kq), Yarina Dubovska (55 kq), Alyona Kolesnik (59 kq), Darya Korin (63 kq), Raqnetta Qurbanzadə (67 kq) və Səbirə Əliyeva (72 kq) yer alıb.
Sərbəst güləş üzrə gənclərdən ibarət yığma komanda böyük məşqçi Arif Abdullayev və məşqçi Rövşən Umudovun rəhbərliyi altında çempionatda iştirak edəcək. Heyətdə Ruslan Qasımov (50 kq), Ruslan Surxayev (55 kq), Əhmədnəbi Qvarzatilov (60 kq), Hacımurad Ömərov (66 kq), Bəxtiyar İsrafilli (74 kq), Orxan Şərifov (84 kq), Səid Həmidov (96 kq) və Ali Maqomedabirovun yer alması gözlənilir.
Görüşlərin idarə edilməsində ölkəmizi beynəlxalq dərəcəli hakim İntiqam Alıyev təmsil edəcək.
