20 iyun 2013 12:56
AÇ-2013: yeniyetmə qızlarımız mübarizəyə başlayır
Çernoqoriyanın Bar şəhərində yeniyetmə güləşçilər arasında Avropa çempionatı davam edir. Azerisport.az xəbər verir ki, çempionatın üçüncü günündə 38, 43, 49, 56 və 65 kq çəkidə yeniyetmə qızlar mübarizəyə qoşulub.
38 kq çəkidə təmsilçimiz Ülkər Babayeva 1/4 finaldan mübarizəyə başlayacaq, rəqib Rusiya-Polşa cütlüyünün qalibi olacaq.
43 kq-da Türkan Nəsirovanın rəqibi Rusiya təmsilçisi olacaq.
49 kq çəkidə Şəbnəm Əhmədova 1/8 finalda rəqibi Ukrayna güləşçisi olacaq.
56 kq-da Ləman Qurbanova da 1/8 finaldan mübarizəyə başlayacaq. Rəqib Türkiyə təmsilçisidir.
65 kq çəkidə təmsilçimiz Anita Kələntərova ilk görüşünü bolqar güləşçiyə qarşı keçirəcək.
Xatırladaq ki, böyük məşqçi Rövşən Süleymanov və məşqçi Mətanət Süleymanovanın başçılığı altında 8 qız güləşçimiz – Ülkər Babayeva (38 kq), Türkan Nəsirova (43 kq), Sona Tumarxanova (46 kq), Şəbnəm Əhmədova (49 kq), Leyla Orucova (52 kq), Ləman Qurbanova (56 kq), Rahilə Quluzadə (60 kq) və Anita Kələntərova (65 kq) çempion adı uğrunda yarışır.
