18 aprel 2013 19:29
İlk gündə 6 qızıl, 6 gümüş və 7 bürünc medal!
Bu gün “Sərhədçi” İdman Olimpiya Mərkəzində sərbəst və yunan-Roma güləşi üzrə yeniyetmə və gənclər arasında Azərbaycan Güləş Federasiyasının Kuboku uğrunda ənənəvi beynəlxalq turnir start götürüb. Azerisport.az xəbər verir ki, ilk yarış günündə yunan-Roma güləşi üzrə yeniyetmə güləşçilər mübarizəyə qoşulub.
Final qarşılaşmalarından öncə turnirin rəsmi açılış mərasimi keçirilib. Turnirin açılış mərasimində çıxış edən gənclər və idman nazirinin müavini İsmayıl İsmayılov son illər Azərbaycanda idmanın sürətlə inkişaf etdiyini vurğulayıb. Bildirib ki, dövlətimizin başçısı, Azərbaycan Milli Olimpiya Komitəsinin prezidenti İlham Əliyevin diqqət və qayğısı nəticəsində ölkəmizdə idman sürətlə inkişaf edir. Bu gün Azərbaycanda bir çox idman növləri inkişaf etdirilir və sevindirici haldır ki, bu sırada güləş xüsusi yer tutur. Bu gün açılış mərasiminə toplaşmış bütün yarış iştirakçılarına uğurlar arzulayır və qələbə sevinci yaşamağı diləyirəm.
Azərbaycan Güləş Federasiyasının baş katibi, Olimpiya dərəcəli hakim Əjdər Cəfərov yarışın ənənəvi xarakter daşıdığını, FİLA təqvimində yer alan turnirin əhəmiyyətini yüksək vurğulayıb. Pəhləvanlarımızın qazandıqları nailiyyətlərdən danışan natiq idmanın bu növünün respublikamızda inkişafda olduğunu diqqətə çatdırıb.
Azərbaycanın dövlət himni səsləndirildikdən sonra tədbir konsert proqramı ilə davam edib.
Qalib və mükafatçılar AGF tərəfindən medal, diplom və pul mükafatı ilə mükafatlandırılıb.
42 kq
1. Kənan Cəfərov
2. Nugzari Tsurtsumia GEO
3. Nofəl Babayev
3. Zəlimxan Usmanov KAZ
63 kq
1. Sənan Əlimirzəyev
2. Tərlan Süleymanov
3. Sukliko Vaxtanqadze GEO
3. Nurganat Nuraxmetov KAZ
46 kq
1. Azamat Bisengaliyev KAZ
2. Namaz Rüstəmov
3. Alişer Tuleganov KAZ
3. İsmayıl Həsənli
69 kq
1. Giorgi Melia GEO
2. Mehrac Kərimov
3. Yevgeni Polivadov KAZ
3. Nicat Abdullazadə
50 kq
1. Mikayıl Rəhmanov
2. Davit Çxartişvili GEO
3. Xancavad Məcidzadə
3. Aidos Sultangali KAZ
76 kq
1. İslam Abbasov
2. Nukri Şavadze GEO
3. İrakli Tarxnişvili GEO
3. Elton Vəzirzadə
54 kq
1. Mirat Kuandyk KAZ
2. Hüseyn Mansurov
3. İuri Lomadze GEO
3. Yelnur Mukametjan KAZ
85 kq
1. Soslan Fanziyev
2. Giga Kokoladze GEO
3. İsmixan Məmmədov KAZ
3. Şota Tsarlugelaşvili GEO
58 kq
1. Zubair Dibirov
2. Zahid Ələkbərzadə
3. Giorgi Gujabidze GEO
3. Şamo Süleymanov
100 kq
1. Zviadi Pataridze GEO
2. Adambek Şidukov
3. Salavat Axmetkaliyev KAZ
3. Cavid Feyziyev
