24 avqust 2012 14:06
Azərbaycan DÇ-də daha iki medal qazandı (FOTOREPORTAJ)
Azərbaycanın qadın güləşçiləri Bakıda yeniyetmələr arasında keçirilən çempionatda iki medal qazanıblar. Azerisport.az xəbər verir ki, Türkan Nəsirova (43 kq) finalda rusiyalı Kseniya Nesqovorovaya uduzaraq gümüş medal qazanıb.
Raqnetta Qurbanzadə (65 kq) mübarizəyə 1/4 finaldan başlayıb və avstriyalı Sabrina Sidlə qalib gəlib. Finala doğru gedən yolda Qurbanzadə Alina Xarçenkoya (Ukrayna) qalib gələ bilməyib. Bürünc medal uğrunda mübarizədə o, Alissiya Cordan-Helen Le Frensis (ABŞ) üzərində qələbə qazanıb.
Sahilə Ələkbərova (38 kq) 3-cü yer uğrunda döyüşdə zədə alaraq oyunu başa çatdıra bilməyib və qələbə bolqar Mariya Filipova Marinskanın olub.
Ayan Məmmədova (49 kq) mübarizəyə 1/4 finaldan, qazaxıstanlı Marina Sedneva ilə döyüşlə başlayıb. Məmmədova Sednevaya qalib gələrək yarımfinala çıxıb, amma təəssüf ki, Yeva Ulrik Soyerə (Almaniya) uduzub. Bürünc medal uğrunda mübarizədə Məmmədova Ravita Ravitaya (Hindistan) uduzub.
Alyona Kolesnik (56 kq) 1/4 finalda Qazaxıstan nümayəndəsi Svetlana Sergeyevaya qalib gələrək yarımfinala çıxsa da, Kayla Kolen Mirakl (ABŞ) üzərində qələbə çala bilməyib. Üçüncü yer uğrunda mübarizədə o, rusiyalı Yekaterina Myaqkova ilə görüşüb. Lakin rəqibinə uduzaraq bürünc qazanmaq imkanını əldən verib.
Sərbəst güləş, yunan-Roma, qadın və çimərlik güləşi üzrə dünya çempionatı avqustun 27-də başa çatacaq.
