20 aprel 2012 21:45
Əsgərov həm lisenziya qazandı, həm də çempion oldu
Bu gün Sofiyada olimpiya lisenziyalı turnirə start verilib. Azerisport.az xəbər verir ki, yarışın ilk günündə xalça üzərinə sərbəst güləşçilərimiz çıxıblar.
Azərbaycanı yarışda üç idmançımız təmsil edib. Mahmud Məhəmmədov (55 kq) Vladislav Andreyevə (Belarus) qalib gəlsə də, rumıniyalı Andrey Dukova uduzub.
Toğrul Əsgərov (60 kq) Aslanbəy Kantoevə (Belarus) qalib gələrək ilk mərhələni adlayıb. Ardından almaniyalı Tim Şleyxeri də yenən Əsgərov yarımfinala çıxıb. Burada onun rəqibi Ukraynanın titullu idmançılarında Vasili Fedorişin idi. Fedorişini də yenən idmançımız lisenziyanı təmin edib. Finalda isə yerli idmançı Anatoli Quydea ilə üz-üzə gələn həmyerlimiz bu görüşdə də qalib gələrək, turniri birinci yerdə başa vurub.
Aslanbek Alborov (96 kq) isə Kamil Skazkeviçə (Polşa) uduzub.
