Yığmamız Özbəkistana yola düşdü

Azərbaycan Güləş Federasiyası ilə Özbəkistan Güləş Federasiyasının qarşılıqlı müqaviləsinə əsasən, hər iki ölkənin müxtəlif yaş qrupu üzrə yığma komandaları il ərzində həm Azərbaycanda, həm də  Özbəkistanda təlim-məşq toplanışlarında iştirak edirlər. Azerisport.az xəbər verir ki, qeyd olunan müqavilənin şərtlərinə əsasən, sərbəst güləş üzrə gənclərdən ibarət yığma komandanın heyəti 2012-ci ildə keçiriləcək beynəlxalq yarışlara hazırlıq məqsədilə yanvarın 16-dan 30-dək Özbəkistanın Daşkənd şəhərində təlim-məşq toplanışında iştirak edəcəklər.

 

Sərbəst güləş üzrə gənclərdən ibarət yığma komandanın böyük məşqçisi Arif Abdullayev və məşqçi Rövşən Hacıyevin rəhbərliyi altında 10 idmançı bu gün Özbəkistana yola düşüb.

 

1. Quliyev İxtiyar                    50 kq

2. Əliyev Qalib                        55 kq

3. İbrahimov Pərviz                 55 kq

4. Quliyev Kənan                    60 kq

5. Qvarzatilov Axmednabi      60 kq

6. Məmmədov Elçin                66 kq

7. İsrafilli Bəxtiyar                 66 kq

8. Usubzadə Elcan                  74 kq

9. Yunusov Kamran                74 kq

10. Şərifov Orxan                   84 kq