16 noyabr 2011 03:25
İstanbul Bosphorus – Baku Fires: heyətlər açıqlandı
Noyabrın 18-də İstanbulun Əhməd Cömərt İdman salonunda Ümümdünya Boks Seriyasının (WSB) 2-ci turun matçında Türkiyənin “İstanbul Bosphorus” və Azərbaycanın “Baku Fires” komandaları qarşılaşacaq. Azerisport.az xəbər verir ki, gorüş Bakı vaxtı ilə saat 23:00-da başlayacaq.
Artıq komandaların heyətləri də məlumdu. Onlarla sizi tanış edirik:
İstanbul Bosphorus - Baku Fires
54 kq. Murat Temur (Türkiyə) – Qairbek Qermaxanov (Azərbaycan)
61 kq. Bunyamin Aydın (Türkiyə) – Semyon Qrivaçyov (Azərbaycan)
73 kq. Caba Xositaşvili (Gürcüstan) – Məhəmməd Nurudzinov (Belarus)
85 kq. Sardor Beqaliyev (Özbəkistan) – Azamat Murtuzəliyev (Azərbaycan)
+91 kq. Viktor Zuyev (Belarus) – Hacı Murtuzəliyev (Azərbaycan)
Qeyd edək ki, “Baku Fires” İstanbula noyabrın 16-da yola düşəcək. Qairbek Qermaxanov, Azamat Murtuzəliyev və Hacı Murtuzəliyev Türkiyadə “Baku Fires”ın heyətində ilk döyüşlərini keçirəcəklər. Semyon Qrivaçyov üçün bu artıq dördüncü matç olacaq. Ötən mövsümdə o iki qələbə qazanıb, bir dəfə məğlub olub. Məhəmməd Nurudzinov isə dörd döyüş keçirib və üç dəfə qalib qəlib.
“İstanbul Bosphorus”un heyətində AÇ-2011-in bürünc mükafatçısı Caba Xositaşvili və 2004-cü ilin Olimpiya Oyunlarında 2-ci yeri tutan Viktor Zuyevi qeyd etmək olar.
1-ci turda “İstanbul Bosphorus” və “Baku Fires” fərqli nəticələr əldə ediblər. “Baku Fires” evdə Çinin “Wuxi Dragons” klubunu 5:0 hesabla darmadağın edibsə, “İstanbul Bosphorus” Fransada keçmiş mövsümün fınalçısı “Paris United” komandasına uduzub - 2:3. Qrupumuzun digər matçında Almaniyanın “Leipzig Leopards” klubu “Mexico City Guerreros” üzərində 4:1 hesablı qələbə qazanıb.
