Bayramov həm dünya çemionu oldu, həm də lisenziya qazandı

Türkiyənin İstanbul şəhərində güləş üzrə dünya çempionatı start götürüb. Azerisport.az xəbər verir ki, ilk gündə üç pəhləvanımız qüvvəsini sınayıb.

 

55 kq-da yarışan Rövşən Bayramov yarışa bolqarıstanlı Veselin Venkovla start verib. Bu görüşdə qələbə qazanan Bayramov 1/8 finala vəsiqə əldə edib. Bu mərhələdə Rövşən yaponiyalı Kohey Hasaqava ilə qarşılaşıb və qələbə qazanaraq 1/4 finala adlayıb. Macarıstanlı Peter Modos və yarımfinaldakı Çin idmançısı Şunjin Li də idmançımız qarşısında tab gətirməyib. Adını finala yazdıran Bayramov həm də olimpiada lisenziya qazanıb. Həlledici görüşdə də Elbek Tajiyev üzərində qələbə qazanan güləşçimiz dünya çempionu adına yiyələnib.

66 kq-da Vitali Rəhimovun ilk rəqibi Danimarka güləşçisi Frederik Byerrexus olub. Rəhimov Byerrexusu üstələyərək növbəti mərhələyə vəsiqə qazanıb.  Burada həmyerlimiz meksikalı İvan Ulyesesi yenib və 1/4 finala adlayıb. Növbəti rəqib Hyeon-Vu Kim (Koreya) ilə qarşılaşma isə idmançımız üçün uğursuz alınıb və belə olimpiya lisenziyasından da məhrum olub.

96 kq Azərbaycan adına Şalva Qadabadze güləşib. Startda onun rəqibi yaponiyalı Arizono Takuma olub. Qadabadze ilk cəhddə qələbəni bayram edib. O, 1/8 finalda Ermənistan güləşçisi Artur Aleksanyana uduzub.

 

55 kq

1/16 - Rövşən Bayramov - Venelin Petkov Venkov (BUL) (1:0, 3:0)

1/8 - Rövşən Bayramov - Kohei Hasegava (JPN) (1:0, 0:2, 1:0)

1/4 - Rövşən Bayramov - Péter Modos (HUN) (1:0, 3:0)

1/2 - Rövşən Bayramov - Shujin Li (CHN) (3:0, 2:0)

FİNAL - Rövşən Bayramov - Elbek Tajiyev (BLR) (3:0, 1:0)

 

66 kq

1/16 - Vitali Rəhimov - Fredrik Holmquist Bjerrhuus (DEN) (1:0, 1:0)

1/8 - Vitali Rəhimov - Ulises Ivan Barragan Calderon (MEX) (1:0, 1:0)

1/4 - Vitali Rəhimov - Hyeon-Woo Kim (KOR) (0:1, 0:3)

 

96 kq

1/32 - Şalva Qadabadze - Takuma Arizono (JPN) (3:0, 3:0)

1/16 - Şalva Qadabadze - Ashok Kumar (IND) (7:0, 2:0)

1/8 - Şalva Qadabadze - Artur Aleksanyan (ARM) (0:1, 0:2)