Azərbaycan yığması Təbrizə dəvət olundu

25-26 iyun 2011-ci il tarixdə Təbrizdə yeniyetmələr arasında “Day of Children” beynəlxalq güləş turniri keçiriləcək. Azerisport.az xəbər verir ki, sərbəst və yunan-Roma güləşi üzrə yeniyetmələrdən ibarət yığma komandalar Avropa və Dünya çempionatından əvvəl sonuncu sınaq turniri olaraq bu yarışlarda iştirak edəcək.

 

Böyük məşqçi Vahid Məmmədov və məşqçi Siracuddin Eldarovun rəhbərliyi altında sərbəst güləş yarışlarında ölkəmizi Sadıq Sadıqov (42 kq), Ruslan Qasımov (46 kq), Ruslan Surxayev (50 kq), Nəbi Hüseynov, Pərviz İbrahimov, Məsim Qədirli (hamısı 54 kq), Coşqun Əzimov (58 kq), Elçin Məmmədov, Hacımurad Ömərov (hər ikisi 63 kq), Eldar İsmayılov (69 kq), Maqomedsultan Zakavov və Maqomed Abdulxaliqov (hər ikisi 85 kq) təmsil edəcək.

 

Yunan-Roma güləşi yarışlarında böyük məşqçilər Zöhrab Abbasov və Rasim Ağayevin rəhbərliyi altında 10 güləşçi mübarizə aparacaq. Heyətdə Ramiz Məmmədov, Rasim Səfərbəyov (hər ikisi 42 kq), Əli Məmmədov (46 kq), Sakit Quliyev (54 kq), Rauf Ələkbərli (58 kq), Orxan Məmmədli (63 kq), Hacımurad Bağmanov (69 kq), Ramiz Novruzov (76 kq), Türmən Eyyubov (85 kq) və Hacımurad Çöpsiyev (100 kq) yer alıb.

 

Görüşlərin idarə edilməsində ölkəmizi beynəlxalq dərəcəli hakim Zakir Məmmədov təmsil edəcək.

 

Poqrama əsasən, iyunun 25-də 42-50-58-69-85 kq, iyunun 26-da isə 46-54-63-76-100 kq çəki dərəcələri üzrə həm sərbəst, həm də yunan-Roma güləşi üzrə yarışlar keçiriləcək.