İsayev medal qazana bilmədi (YENİLƏNDİ)

Bu gün sərbəst güləş üzrə dünya çempionatının sonuncu günüdür. Azerisport.az xəbər verir ki, Azərbaycan təmsilçisi Əli İsayev (120 kq) kamerunlu Tyerri Hyuz Onanena ilə qarşılaşaraq, ona qalib gəldi (2:0, 2:0). Növbəti görüşdə o Moldova idmançısı Andrey Podsevalnikova qalib gələrə (3:0, 4:0), 1/4 finala çıxdı. Burada İsayev ikiqat Olimpiya və dünya çempionu olan Artur Taymazovla (Özbəkistan) qarşılaşdı. Lakin idmançımız qalib gələ bilmədi (0:1, 3:2, 0:1). Əgər özbək güləşçi finala çıxsa, o zaman İsayev bürüc medal uğrunda mübarizə apara biləcək.

İlk təsəlli görüşdə İsayev belaruslu Aleksey Şmarova qalib gəldi (1:0, 6:0). "Bürünc" uğrunda sonuncu görüş Yunanıstan idmançısı İoannis Arzumanidisə qarşı oldu. Lakin güləşçimiz rəqibə məğlub olaraq (0:1, 0:1), turnirdə beşinci yerə sahib oldu.