7 sentyabr 2010 00:01
Azərbaycan çempionatın ilk günündə bir medallla kifayətləndi (YENİLƏNDİ)
Bu gün Moskvada yunan-Roma güləşi üzrə dünya çempionatı start götürdü. Azerisport.az xəbər verir ki, ilk öncə xalçaya Avropa çempionu Elçin Əliyev (55 kq) çıxdı.
DÇ-nin debütantı ilk görüşdə Ukraynanı təmsil edən Vüqar Rəhimovla qarşılaşdı. Görüş Əliyevin qələbəsi ilə başa çatdı və bununla da o növbəti mərhələyə vəsiqə qazandı. 1/8 finalda onun rəqibi Cənubi Koreya təmsilçisi Qyu-Cin Çoy oladu. Əliyev koreyalıya hər iki hissədə məğlub oldu. Bu görüşdən sonra koreyalı idmançı finala çıxdı və bu Əliyevə bürünc meda uğrunda mübarizə aparmağa imkan yaratdı. İlk təsəlli görüşdə idmançımız Palaudan olan Loren Elqin Elvaysa qalib gəldi. Lakin sonradan Macarasıtan təmsilçisi Peter Modoşa məğub olaraq mübarizəni bitirdi.
Pekin Olimpiadasının vitse-çempionu Vitali Rəhimov (66 kq) çempionatın ilk görüşündə Hindistan təmsilçisi Kumar Sunil ilə qarşılaşaraq, ona qalib gəldi. növbəti mərhələdə onun rəqibi erməni idmançı Arman Adikyan oldu. İlk hissə rəqibin xeyirinə bitsə də, ikinci hissədə idmançımız qələbə qazandı. Üçüncü hissədə isə Rəhimov 5:0 hesabı ilə qalib gələrək, növbəti mərhələyə çıxdı. 1/4 finalda onun rəqibi Rusiya təmsilçisi Ambako Vaçadze oldu. Bu görüşdə həmyerlimiz məğlub oldu, lakin rusiyalının finala çıxması idmançımıza medal uğrunda mübarizəni davam etdirmək üçün imkan yaratdı. Rəhimovun ilk rəqibi isvəçrəli Paskal Stebel oldu. Ona qalib gələrək, təmsilçimiz macarıstanlı Tamaş Lorinsa ilə qarşılaşdı. Bu güləşçiyə də qalib gələrə, Rəhmov Azərbaycanın ilk medalını əldə etdi.
Çempionatın daha bir debütantı Səbuhi Hümbətov Belarusiya idmançısı Timofey Ziniçenko ilə üz-üzə gəldi. Lakin güləşçimiz rəqibə məğlub oldu. Ziniçenko finala çatdığı üçün idmançımız medal uğrunda mübarizəni apara bilərdi. Lakin artıq ilk təsəlli görüşdə Hümbətov ABŞ idmançısı Daniel Ruisə məğlub olaraq mübarizəni dayandırdı.
