Ruslar hesab edir ki, FILA Azərbaycanı pula görə müdafiə edir
Mahmud Maqomedovun vətəndaşlıq epopeyası davam edir. Azerisport.az xəbər verir ki, bu il Bakıda keçirilən Avropa çempionatında qızıl medal qazanan Mahmud Maqomedovun (55 kq) qanunsuz olaraq, Azərbaycan yığmasına keçdiyini iddia edən Rusiya Güləş İdmanı Federasiyası (RGİF) yenidən “təkzibolunmaz sübutlar”dan danışıb. Qurumun birinci vitse-prezidenti, Beynəlxalq Birləşmiş Güləş Növləri Federasiyasının (FILA) Avropa komitəsinin vitse-prezidenti Georgi Bryusov çalışdığı qurumu pulgirlikdə və rəsmi sənədlərin saxtalaşdırılmasında günahlandırıb.
“Bir neçə gün əvvəl FILA bizim rəsmi məktubumuza cavab olaraq göndərdiiyi, üzərində baş katib Mişel Düssomun imzası olan məktubda 2009-cu il Dünya kubokunda Rusiyanın bayrağı altında Mahmud yox, Maqomed Maqomedovun çıxış etdiyi yazılıb. Amma bu, yalandır. Biziməlimizdə təkzibolunmaz dəlillərimiz – foto- və videomateriallarımız, həmçinin Mahmud Maqomedovun RGİF-dən aldığı lisenziya var. Bir neçə sualımız var. Məsələn, niyə FILA statistik bazasında 2009-cu ildə Tehranda keçirilən Dünya kubokunun nəticələri silinib? Niyə həmin turnirin iştirakçılar arasında FILA-nın statistik bazasında olan Maqomed Maqomedovlardan heç biri göstərilməyib? Düssomun məktubu bizi təəccübləndirdi. Artıq FILA-nın başqa nəyə qadir olduğu bilmirik. Hamı yaxşı başa düşür ki, bunu bir Azərbaycan şirkəti (AtaHolding – azerisport.az) ilə FILA arasında bağlanan sposnorluq müqaviləsi diqtə edir. Bu cür hərəkətlər FILA-nın imicinin artamasına, onun rəhbərlərinin avtoritetinin möhkəmləndirilməsinə xidmət etmir.
Amma biz öz hüquqlarımızı sona qədər müdafiə edəcəyik. Bir daha bəyan edirik: Mahmud Maqomedov qanunsuz şəkildə, FILA-nın milliləşdirilmiş idmançılar üçün vacib göstərdi iki illik karantin müddətini keçmədən Azərbaycanın bayrağı altında çıxış edib” – deyə Brüsov bildirib.
Qeyd edək ki, Bakıda keçirilən AÇ öncəsi AtaHolding şirkəti FILA ilə sponsorluq müqaviləsi bağlamış və bunun üçün quruma 7 milyon avro ödəmişdi.
