Əhmədli və Sementsova finalda! (YENİLƏNDİ)
Bu gün Bakıda keçirilən güləş üzrə Avropa çempionatında qadınların mübarizəsinə start verilir. Azerisport.az xəbər verir ki, 3-cü gündə 3 qadın pəhləvanımız döşək üzərinə çıxacaq.
Anjela Doroqan (51 kq) ilk mərhələdə Aureli Basseni (Fransa), Sona Əhmədli (59 kq) Ginet Qudruun Xoeni (Norveç), Nadya Sementsova (67 kq) isə Eşli Kristin Makmanusu (Böyük Britaniya) sınağa çəkəcək.
***
Mübarizəyə ilk olaraq Sementsova qoşulub. Nadya Eşli Kristin Makmanusu məğlub edib. Sona Əhmədli isə Ginet Qudruun Xoeni asanlıqla yenib və yarımfinala adlayıb. Mübarizəni isə yalnız Aureli Bessenə uduzan Anjela Doroqan dayandırıb.
Yarımfinala vəsiqə qazanan ikinci xanım pəhləvanımız Semetsova olub. O, 1/4 finalda Sandra Makelaya (İsveç) şans verməyib.
***
Sona Əhmədli yarımfinalda Fransa təmsilçisi Fatah Selluma qalib gələrək, finala çıxıb. Ən azı bir gümüş medal var artıq!
Və ikinci finalçı! Nadya Sementsova finalda İrina Tserkeviçi (Belarus) devirərək, Azərbaycana ikinci finalı gətirib!
***
Nəhayət, axşam saatlarında döşək üzərinə çıxan Sona Əhmədli ona bəslənən ümidləri doğrultdu. Azərbaycanlı xanım finalda Bolqarıtsan təmsilçisi Taybe Mustafa Yusentə heç bir şans vermədi: 4:0, 3:0.
Milliləşdirilmiş Nadya Sementsova da bu addımın əbəs yerə atılmadığını sübuta yetirdi. Onun finaldakı rəqibi - Katerina Burmistrova kifayət qədər güclü olsa da, Sementsova Avropa çempionu adını qazanıb. Bu, artıq Azərbaycan güləşçilərinin yarışların üç günündə qazandığı 5-ci qızıl medaldır!
