Mahmud Maqomedov: Heç çempionatda çıxış edəcəyimə də inanmırdım

Yeni Avropa çempionu Mahmud Maqomedov bolqarıstanlı pəhləvan Radoslav Velikovla final görüşündən dərhal sonra fikirlərini azerisport.az-la bölüşüb.

“Azərbaycan yığmasına keçidim ətrafında gərgin ab-hava hökm sürürdü. Rusiya güləş federasiyasının buna etiraz etməsi, düzü, məni bir qədər yorurdu. Heç çempionatda çıxış edəcəyimə də inanmırdım. Lakin Azərbaycan Güləş Federasiyasının vitse-prezidenti Namiq Quliyev mənimlə əlaqə quraraq, məsələnin yoluna qoyulduğunu bildirdi. Bundan sonra ikiqat qüvvə ilə yarışa hazırlaşmağa başladım. Gördüyünüz kimi, bu gərginlik mənim xeyrimə işlədi. Azərbaycan yığmasının heyətində debüt yarışımdaca Avropa çempionu olduğuma görə çox şadam” – deyə Maqomedov bildirib.