Azərbaycan bürünc medal şanslarını qoruyur

Bu turnir Bakıda keçiriləcək Avropa çempionatı ərəfəsində sonuncu ciddi turnir olduğundan, baş məşqçi Saypulla Absaidov Moskavaya ən güclüləri aparıb: Yaşar Əliyev (55 kq), Ağahüseyn Mustafayev, Zəlimxan Hüseynov (hər ikisi 60 kq), Emin Əzizov (66 kq), Çamsulvara Çamsulvarayev (74 kq), Novruz Temrezov (84 kq), Cəmaləddin Məhəmmədov, Xetaq Qazyumov (hər ikisi 96 kq), Əli İsayev və Toxtar Temrezov (hər ikisi 120 kq-dan yuxarı). Lakin ilk görüşdə sərbəst güləşçilərimiz İrana 2:5 hesabı ilə məğlub olublar. Təmsilçilərimizdən yalnız Zəlimxan Hüseynov və Xetaq Qazyumov qələbə qazanıblar.

Bir neçə dəqiqə əvvəl baş tutan ikinc turun qarşılaşmasında isə Azərbaycanın sərbəst güləş yığması Özbəkistana böyük hesabla qalib gəlib – 6:1. Yeganə məğlubiyyəti Toxtar Temrezov alıb.

 Bu qələbədən sonra yığmamız qrupda heç olmasa ikinci yer tutmaq və bürünc medal uğrunda görüşdə iştirak etmək şansını saxlayır.