Cavid İmamverdiyev: Qələbəyə layiq idik
"Neftçi”nin futbolçusu Cavid İmamverdiyev "İnter”lə oyundan sonra fikirlərini bildirib. Azerisport.az xəbər verir ki, yarımmüdafiəçi "Neftçi"nin klub televiziyasına açıqlamasında bunları deyib:
"Fikrimcə, gözəl oyun göstərdik. Topa daha çox biz nəzarət edirdik. "Qəbələ”yə acı məğlubiyyətdən sonra toparlanıb belə oyun göstərməyi hər bir komanda bacarmaz. Düşünürəm ki, qələbəyə biz layiq idik, sadəcə, son dəqiqələrdə müdafiədə boşluq buraxmaqla oyunu əldən verdik. Hesab 1:1 olanda qol vurmaq üçün irəli atıldıq, amma qapımızda ikinci qolu gördük. Məqsəd İsayev rəqib futbolçunu görmədi. Ümumiyyətlə, bu futboldur, təkcə Məqsədi günahlandırmaq düzgün deyil, bütün komandanın günahı var. Çatışmayan cəhətlərimiz çoxdur, bunlar üzərində çalışmaq lazımdır. Qarşıda görüləsi çox işlərimiz var, bununla bağlı baş məşqçi də gəldiyi gündən bizimlə danışır. "Neftçi”nin adına layiq, yəni bundan yüksək oyun göstərməyə çalışacağıq”.
