Süleymanov: Şadam ki, Neftçidə ilk oyunuma çıxdım

“Neftçi”nin futbolçuları – Kaue və Etibar Süleymanov klub televiziyasına açıqlama veriblər. Azerisport.az xəbər verir ki, onlar Bakıda təşkil olunan mini turnirin qalibi olduqları “Şərurspor”la oyundan (3:2) sonra fikirlərini bildiriblər:

Kaue: “Bu, adi bir oyun idi. Dövrələrarası fasilə fonunda artıq bir qədər yorulmuşuq və məşqçilər korpusu bir çox dəyişiklər edirlər ki, bizi qarşıdan gələn “Sumqayıt”la oyun üçün qorusunlar. Lakin ümumilikdə deyə bilərəm ki, bu, formamızı daha da yaxşılaşdırmaq üçün faydalı idi. Turnir isə çempionata hazırlaşmaq baxımından əhəmiyyətli oldu”.

Etibar Süleymanov: “Şadam ki, “Neftçi”də ilk oyunuma çıxdım. İnşallah, ardı gələr. Məşqçilər heyətinə də təşəkkür edirəm ki, mənə şans verdilər, çox sağ olsunlar”.