Qarabağ Türkiyədə belə məşq edir

"Qarabağ" Antalyada təlim-məşq toplanışına davam edir. Azerisport.az xəbər verir ki, bu gün komandanın planında 1 məşq vardı.

"Qarabağ" ənənəvi olaraq səhər məşqinə yerli vaxtla 11:00-da yollanıb. Komandanın məşqi 90 dəqiqə davam edib. Səhər məşqi fiziki yüklənmələr üzərində baş tutub. Futbolçular meydan boyu qurulmuş maneələri dəf edərək qapıya zərbələr üzərində çalışıblar. Bir neçə təkrarla baş tutan təmrinlərlə səhər məşqi başa çatıb.

Qeyd edək ki, səhər məşqində Reynaldo və Rəşad Sadıqov istisna olmaqla, bütün futbolçular iştirak ediblər.