Qarabağ - Britaniya matçında 12 qol
Böyük Britaniyanın Azərbaycandakı səfirliyi, Azərbaycan Futbol Federasiyaları Assosiasiyası və "Bakcell" şirkətinin dəstəyi ilə ''Britaniya komandası'' və ''Qarabağ'' futbol klubu arasında yoldaşlıq oyunu keçirilib. Azerisport.az xəbər verir ki, qarşılaşma 6:6 hesabı ilə başa çatıb.
“Bayıl Arena” da keçirilən oyunda 13 yaşlı oyunçular iştirak edib. Qeyd edək ki, “Britaniya komandası”nı "Bakcell" şirkətinin təşkil etdiyi Mançester Yunayted Yay Futbol Məktəbini müvəffəqiyyətlə bitirən istedadlı uşaqlar və Britaniyanın Azərbaycandakı səfiri İrfan Siddiq təmsil edib. “Qarabağ”da isə U-13 komandası ilə yanaşı klubun vitse-prezidenti Tahir Gözəl, icraçı direktor Əmrah Çəlikəl və AFFA tərəfindən təyin olunmuş texniki direktor Con van Loen forma geyiniblər.
