Tural Axundov: Gəncədə onlar üçün asan olmayacaq

Azərbaycan kubokunun 1/4 final mərhələsinin “İnter”lə cavab oyunu öncəsi “Kəpəz”in kapitanı Tural Axundov klub saytına açıqlama verib. Azerisport.az xəbər verir ki, o, bunları söyləyib:

“Səfərdə “İnter”ə uduzsaq da, rəqib qeydə alınan nəticədən arxayınlaşmamalıdır. Çünki biz qarşıdakı görüşə yaxşı hazırlaşmışıq. Gəncədə onlar üçün asan olmayacaq. Əlimizdən gələni edəcəyik ki, qələbə qazanıb mərhələ adlayaq. Əlbəttə, bizim son şansımızdır, ona görə də cavab görüşündən lazımınca istifadə etməliyik. Sona qədər mübarizə aparmaq lazımdır”.