“Kimsə Neftçini zəif rəqib hesab edirsə, çox yanılır”

"Neftçi"nin yarımmüdafiəçisi Murad Ağayev Topaz Premyer Liqasının 14-cü turu çərçivəsində AZAL-a qarşı keçirəcəkləri oyun öncəsi fikirlərini bölüşüb. Azerisport.az saytına açıqlamasında o, bunları söyləyib:

"AZAL çətin rəqibdir. Hər oyunda sonadək mübarizə aparırlar. Amma biz də evdə oynayırıq, qələbə qazanmalıyıq. "Zirə"yə qarşı keçirdiyimiz kubok oyunundakı kimi çıxış etməyə çalışmalıyıq. 3:0 hesablı qələbədən sonra artıq sözə gərək yoxdur. Eşitmişəm ki, "Zirə"nin baş məşqçisi Adil Şükürov "Neftçi"yə 4:0 hesabıyla qalib gələcəklərinə inandığını deyib. Rəqibə hörmət etmək lazımdır. Kimsə "Neftçi"ni zəif rəqib hesab edirsə, çox yanılır. Məğlubiyyəti də qəbul, etiraf etmək lazımdır. Onun bu açıqlaması şəxsən mənim üçün əlavə motivasiyadır. Baxmayaraq ki, Şükürov bunu emosiyalı olduğuna görə də deyə bilər".