Rahid Əmirquliyev: Belə oyunları unutmaq çox çətindir

"Qarabağ"ın yarımmüdafiəçisi Rahid Əmirquliyevin azerisport.az saytına müsahibəsi

- "Sumqayıt"la kubok matçına hazırsınız?
- Hər bir oyuna olduğu kimi, bu matça da yaxşı hazırlaşmışıq. Bizi ciddi rəqiblə oyun gözləyir.

- İlk oyunda sizi hansı nəticə qane dəcək?
- İstənilən halda bizə çətin olacaq. Təbii ki, nə qədər çox qol vursaq, o dərəcədə yaxşı olar.

- "Fiorentina" ilə oyunu unuda bilmisiniz?
- Tarixi oyun idi. Belə oyunları unutmaq çətindir. İtaliya klubuna qalib gəlməyi çox istəyirdik. Lakin alınmadı. Artıq növbəti matçları düşünməliyik.

- Həmin oyunda nəticə qazanmağınıza nə mane oldu ki?
- Bu oyunda bizdə çox şey alınmadı. Həm də rəqibin heyətində çoxlu yüksək səviyyəli futbolçu var idi. İtaliyalılar bizə bir çox istədiklərimizi həyata keçirməyə imkan vermədilər.

- Sizin bacarmadığınızı iki dəfə məğlub etdiyiniz Yunanıstan PAOK-u etdi...
- Futbolda belə hallar olur. Səhvimiz də oldu, bəxtsizlik də.

- Artıq bundan sonra çempionluq uğrunda asanlıqla mübarizə apara biləcəksiz?
- Heyətimiz genişdir. Bu üzdən Avroliqanın bizə çox mane olduğunu düşünmürəm. Onsuz da həm çempionatda, həm də Avroliqada eyni səviyyədə mübarizəmizi davam etdirirdik.

- Yeri gəlmişkən, PAOK və "Fiorentina" 1/16 finalda Almaniyanın "Şalke" və "Borrusiya" (Münhenqladbax) klublarına rəqib oldu. Sizcə, "Qarabağ" bu komandalardan hansı ilə oynaya bilərdi?
- Almaniya klubları çox güclüdür. Həm PAOK-a, həm də "Fiorentina"ya onlarla oyunlar asan olmayacaq. "Qarabağ" da bu komandalarla mübarizə apara bilərdi.