Elmar Baxşiyev: Qəbələ üçün Almaniyada heç-heçə də uğurlu nəticə sayılacaq

"Qəbələ"nin sabiq yarımmüdafiəçisi Elmar Baxşiyev bu klubun Avropa Liqasının qrup mərhələsi çərçivəsində Almaniya "Maynts"ı ilə səfər oyunundakı şansları barədə danışıb. Azerisport.az saytına açıqlamasında o, bunları söyləyib:

"Məncə, bu gün Roman Qriqorçuk meydana optimal heyət buraxacaq. Hər iki komanda qələbə qazanmağa çalışacaq. Meydan sahiblərinin evdə sabit çıxış etdiyini nəzərə alsaq, "Qəbələ" üçün səfərdə heç-heçə də uğurlu nəticə sayılmalıdır. Bakıdakı oyun göstərdi ki, "Qəbələ" "Maynts"la bərabər səviyyədə mübarizə apara bilər. Ötən mövsümlə müqayisədə komandamız bu il daha keyfiyyətli oyun sərgiləyir. Ev oyunlarında azacıq ustalıq çatışmadı ki, xal və ya xallar qazanaq. "Qəbələ" üçün avrokubok mövsümü bu gün başa çatsa da, çempionatda mübarizə davam edir. Hamı anlayır ki, Premyer Liqada çempionluq mübarizəsi bu klubla "Qarabağ" arasında gedəcək".