Arif Əsədov: Qarabağdan heç-heçə gözləyirəm

"Neftçi"nin sabiq baş məşqçisi Arif Əsədov "Qarabağ"ın Avropa Liqasının qrup mərhələsi çərçivəsində İtaliya "Fiorentina"sına qarşı oyun öncəsi fikirlərini bölüşüb. Azerisport.az saytına açıqlamasında o, bunları söyləyib:

"Müxtəlif fikirlər var. "Qarabağ"a kimsə inanır, kimsə yox. Bu da normal haldır. Amma hər kəs çətin olacağını yaxşı başa düşür. Xüsusilə də heyətlə bağlı itkilərə görə. Son turda bütün klubların qrupdan çıxmaq şansını saxlaması "Qarabağ"ın xeyrinə deyil. Doğma meydan amili təmsilçimizin işinə yaramalıdır. Mən heç-heçə olacağını düşünürəm. Amma bu heç-heçənin komandamızı növbəti mərhələyə daşıyacağına da inanıram. Mənə elə gəlir ki, PAOK da öz meydanında "Slovan"la heç-heçə edəcək. "Qarabağ"a uğurlar arzulayıram".