Qəbələ yenə məğlub oldu

Bu gün Avropa Liqasında qrup mərhələsinə yekun vurulub. Azerisport.az xəbər verir ki, Azərbaycanı bu turnirdə təmsil edən "Qəbələ" də son oyununa çıxıb.

Əvvəlki beş matçın hamısında uduzan Roman Qriqorçukun komandası səfərdə Almaniyanın "Maynts" klubu ilə üz-üzə gəlib. "Qəbələ" üçün bu oyunun heç bir ciddi əhəmiyyəti qalmamışdı. Təmsilçimiz sadəcə, qrup mərhələsini xalsız başa vurmamaq üçün mübarizə aparacaqdı ki, buna da nail olması çətin görünürdü. Gözləniliyi kimi, matç "Qəbələ"nin məğlubiyyəti ilə bitib.

Qeyd edək ki, C qrupunun digər oyununda Belçika "Anderlext"i doğma meydanda Fransa "Sent-Etyen"i ilə münasibətlərinə aydınlıq gətirib. Fransa klubu səfərdə əzmkar qələbə qazanıb - 3:2.

Avropa Liqası
C qrupu
8 dekabr

“Maynts” - “Qəbələ” - 2:0 (2:0)
Qollar: A.Hak, 30 (1:0). P.D.Blasis, 40 (2:0).
Sarı vərəqə: Q.Byussmann, 66. H.Samperio, 76.
Baş hakim: Simon Li Evans (Uels).
Maynts. "Maynts Arena".

"Maynts": 33. Yannik Hut, 2. Culio Donati, 15. Con Kordoba (36. Aron Seydel, 81), 16. Ştefan Bell (k), 17. Hayro Samperio, 20. Fabian Fray, 22. Andre Ramalo, 24. Qaetan Byussmann, 25. Jan-Filipp Qbamen (10. Yunus Mallı, 69), 32. Pablo de Blasis (38. Herrit Holtman, 87), 42. Aleksandr Hak.
Ehtiyat oyunçular: 1. Yonas Lossl, 3. Leon Baloqun, 8. Levin Öztunalı, 18. Daniel Brozinski.
Baş məşqçi: Martin Şmidt.
"Qəbələ": 22. Dmitri Bezotosnı, 3. Voyislav Stankoviç, 6. Rəşad Sadiqov (k) (10. Ruslan Qurbanov, 46), 7. Nika Kvekveskiri, 9. Sergey Zenyov (21. Roman Hüseynov, 77), 11. Asif Məmmədov, 15. Vitali Vernidub, 19. Filip Ozobiç, 20. Rikardinyo, 27. Teo Uiks (4. Elvin Camalov, 86), 34. Ürfan Abbasov.
Ehtiyat oyunçular: 33. David Petrkeviç, 17. Məhəmməd Mirzəbəyov, 30. Petar Franyiç, 44. Rafael.
Baş məşqçi: Roman Qriqorçuk.