Millimizin potensial rəqibləri məlum oldu

FIFA-nın ilk vitse-prezidenti Valentin Qranatkinin xatirəsinə Rusiyanın Sankt-Peterburq şəhərində keçiriləcək futbol turnirinin 16 iştirakçısından 15-i müəyyənləşib. Azerisport.az xəbər verir ki, artıq Rusiya, Azərbaycan, Yunanıstan, Slovakiya, Bolqarıstan, Hindistan, İran, Sloveniya, Belarus, Latviya, Estoniya, Litva, Qazaxıstan, Moldova və Sankt-Peterburq komandaları yarışa qatılacaqlarını təsdiqləyiblər.

Yarışın 16-cı iştirakçısı isə hələ müəyyənləşməyib. Komandalar 1999-cu il təvəllüdlü oyunçulardan təşkil olunub. Turnir 2017-ci il yanvarın 7-dən 22-dək təşkil ediləcək.

Qeyd edək ki, Azərbaycanı bu turnirdə Təbriz Həsənovun yenicə baş məşqçi təyin olunduğu U-19 millimiz təmsil edəcək.