Ziya Əzizov: Növbəti matçlarda da qol vurmağa çalışacağam

Hollandiyanın "Den Boş" klubunun azərbaycanlı yarımmüdafiəçisi Ziya Əzizov son turda "Dordrext"lə səfər oyununda (2:2) vurduğu qoldan danışıb. Azerisport.az saytına açıqlamasında o, bunları söyləyib:

"Start heyətdə meydana çıxdığım üçün şadam. Maraqlı matç alındı. Rəqibdən daha güclü idik. Yaxşı oyun sərgilədik. Amma bəzi səhvlərə yol verdik ki, bu da qələbə qazanmağımıza mane oldu. İki qol vursaq da, daha çox şansımız var idi. Şadam ki, qollardan birini də mən burdum. Bundan sonra da qol vurmağa çalışacağam".