Dadaşov qol vurdu, komandası qələbə qazandı

Almaniyanın Şimal-Şərq Regional Liqasında 16-cı turun oyunları keçirilib. Azerisport.az xəbər verir ki, Azərbaycan millisinin sabiq hücumçusu Rüfət Dadaşovun klubu - "Moyzelvits" də növbəti matçına çıxıb.

Sözügedən komanda doğma meydanda "Auerbax"la qarşılaşıb. Futbolçumuzun klubu bu oyundan qələbə ilə ayrılıb - 3:1.

Oyuna start heyətdə başlayan Dadaşov 90-cı dəqiqədə əvəzlənib. Qarşılaşmada hesabı da məhz 30-cu dəqiqədə Rüfət açıb.

Qeyd edək ki, 16 turdan sonra "Moyzelvits" 15 xalla 18 komanda arasında 14-cü pillədə qərarlaşıb.