Əzizov qol vurdu, komandası xal itirdi

Futbol üzrə Hollandiya birinci divizionunda (Jupiler Liqa) 17-ci turun oyunları keçirilib. Azerisport.az xəbər verir ki, azərbaycanlı futbolçu Ziya Əzizovun komandası - "Den Boş" da növbəti matçına çıxıb.

Sözügedən klub səfərdə "Dordrext"lə qarşılaşıb. Futbolçumuzun komandası bu oyundan heç-heçə ilə ayrılıb - 2:2.

Ziya bu görüşə start heyətdə başlayıb. O, matçın 33-cü dəqiqəsində qol vuraraq, komandasını hesabda önə keçirib - 2:1. 84-cü dəqiqədə isə baş məşqçi futbolçumuzu əvəzləyib.

Qeyd edək ki, "Den Boş" 17 turdan sonra 21 xalla 20 komanda arasında 13-cüdür.