Elxan Abdullayev: Azarkeş komandasına dəstək olmalıdır, futbolçusunu təhqir etməməlidir

"Neftçi"nin baş məşqçisi Elxan Abdullayev Azərbaycan Kubokunun 1/8 final mərhələsi çərçivəsində "Şərurspor"a qarşı keçirdikləri oyundan (2:0) sonra fikirlərini bölüşüb. Azerisport.az xəbər verir ki, o, bunları söyləyib:

"Premyer Liqa ilə Birinci Divizionun səviyyəsi fərqlidi. Amma rəqib istəkli idi. Əzmkarlıq hiss olunurdu. "Şərurspor" xoşuma gəldi. Lakin bu qələbəyə xüsusi sevinməyə dəyməz. Bəzi azarkeşlər var ki, 90 dəqiqə ərzində Araz Abdullayevi təhqir edirlər. Onları heç azarkeş də saymıram. Azarkeş komandasına, futbolçusuna dəstək olmalıdır, onu təhqir etməməlidir. Futbolçuya təzyiq olanda o, özünü itirir. Mən özüm də futbolçuyam, bunun nə demək olduğunu bilirəm".