"Arazın Nasionala məğlubiyyəti məni şoka saldı"

Futzal üzrə Azərbaycan yığmasının və "Araz"ın sabiq oyunçusu Namiq Məmmədkərimov bu klubun UEFA Kubokunun elit raundundakı uğursuz çıxışından danışıb. Azerisport.az saytına açıqlamasında o, bunları söyləyib:

"Araz"ın çıxışını uğursuz adlandırmaq olar. Komandadan belə zəif çıxışı heç kim gözləmirdi. "Araz"ın ilk oyunda Xorvatiya "Nasional"ına uduzduğu oyun zamanı şokda idim. Çünki komandamız həmin oyunda qələbə qazanmağa borclu idi. "Araz"ın indi səviyyəcə geri qaldığını düşünmürəm. Əksinə, yüksəkdir. Sadəcə, pis hazırlıq və zədələrin olması nəticəyə təsir göstərdi".