Əvəzedicilərlə 1-ci divizion klubları də cəzalandı

AFFA İntizam Komitəsinin növbəti iclası keçirilib. Azerisport.az xəbər verir ki, aparılan müzakirələrdən sonra Topaz  Premyer Liqasında çıxış edən klubların əvəzedici heyətləri arasında təşkil olunan ölkə çempionatında və Birinci Divizionda 13-cü turun oyunları ilə bağlı aşağıdakı qərarlar qəbul olunub:

Əvəzedicilərin çempionatının AZAL - “Sumqayıt” matçında “Sumqayıt”ın 4 futbolçusu sarı vərəqə ilə cəzalandığı üçün klub 400 manat cərimə olunub. Oyunun 61-ci dəqiqəsində AZAL-ın futbolçusu Elşad Manafov sonuncu ümid foluna görə birbaşa qırmızı vərəqə alaraq, meydandan kənarlaşdırıldığı üçün 1 oyun cəzalanıb, klub 100 manat cərimə olunub.

Birinci Divizionun “Ağsu” - “Şəmkir” matçının 80-cı dəqiqəsində “Şəmkir”in azarkeşləri tərəfindən pirotexniki vasitələrdən istifadə edildiyi üçün klub 80 manat cərimə olunub.

“Qaradağ Lökbatan” - “Turan Tovuz” matçında “Qaradağ Lökbatan”ın 4 futbolçusu sarı vərəqə ilə cəzalandığı üçün klub 80 manat cərimə olunub.