Vüqar Nadirov: Qəbələyə qalib gəlmək istəyirik

"Qarabağ"ın yarımmüdafiəçisi Vüqar Nadirov Topaz Premyer Liqasının 13-cü turu çərçivəsində "Qəbələ"yə qarşı keçirəcəkləri oyun öncəsi fikirlərini bölüşüb. Azerisport.az saytına açıqlamasında o, bunları söyləyib:

"Qəbələ"nin necə güclü komanda olduğunu hər kəs yaxşı bilir. Bu oyuna ciddi hazırlaşmışıq. Avropa Liqasındakı uğursuz oyundan sonra komandada atmosfer yaxşı olmasa da, bu görüşə hazırıq. Qələbə qazanmaq istəyirik. Bizim üçün çox vacib qarşılaşmadır".

Qeyd edək ki, "Qarabağ" - "Qəbələ" oyunu saat 19:00-da start götürəcək.