İnter Zirə üzərində qələbəni əldən verdi
Bu gün Topaz Premyer Liqasında 13-cü turun daha bir oyunu keçirilib. Azerisport.az xəbər verir ki, günün yeganə qarşılaşması Zirədə baş tutub.
Burada yerli “Zirə” paytaxt derbisində “İnter”lə münasibətlərinə aydınlıq gətirib. Fasilədən dərhal sonra hesabı açan "İnter" təxminən yarım saat azlıqda mübarizə aparıb. Buna baxmayaraq, "bankirlər" qələbə hesabını yalnız əlavə edilmiş dəqiqələrdə əldən veriblər. Nəticədə, tərəflər meydandan hərəyə 1 qol və 1 xalla tərk ediblər.
Topaz Premyer Liqası
13-cü tur
28 noyabr (bazar ertəsi)
“Zirə” - “İnter” - 1:1 (0:0)
Qollar: R.Abışov, 48 (0:1). Y.Krneta, 90+3 (1:1).
Qırmızı vərəqə: A.Skarlatake, 66.
Hakimlər: Orxan Məmmədov, Mübariz Haşımov, İsgəndər Əliyev, Vüsal Qənbərov.
Əlavə köməkçi hakimlər: Ömər Paşayev, İnqilab Məmmədov.
Zirə İdman Kompleksinin stadionu.
“Zirə”: 1. Anar Nəzirov (k), 5. Adil Nağıyev, 23. Yovan Krneta, 44. Migel Lorenso, 28. Təmkin Xəlilzadə, 6. Vüqar Mustafayev, 10. Elvin Məmmədov, 8. Milan Duriç, 19. Nurlan Novruzov, 92. Cavid Tağıyev, 20. Sezar Meza Kolli.
Ehtiyat oyunçular: 62. Abdulla Seyidəhmədov, 13. Aleksandr Şemonayev, 17. Vüsal İsgəndərli, 18. Tural Cəlilov, 21. Murad Səttarlı, 77. Yamin Ağakərimzadə, 7. Gerhard Proqni.
Baş məşqçi: Adil Şükürov.
“İnter”: 1. Səlahət Ağayev (k), 3. Denis Silva, 14. Zurab Xizanişvili, 27. Adrian Skarlatake, 22. İlkin Qırtımov, 24. Fuad Bayramov, 15. Ruslan Abışov, 4. Slavik Alxasov, 10. Elnur Abdullayev, 55. Ağabala Ramazanov, 9. Pərdis Fərcad-Azad.
Ehtiyat oyunçular: 13. Orxan Sadıqlı, 17. Abbas Hüseynov, 6. Samir Zərgərov, 7. Mirsahib Abbasov, 20. Aqşin Quluzadə, 11. Rauf Əliyev, 88. Məmməd Quliyev.
Baş məşqçi: Zaur Svanadze.
Turun digər oyunları: “Kəpəz” - “Neftçi” - 2:0, AZAL - “Sumqayıt” - 1:1. 29 noyabr (“Qarabağ” - “Qəbələ”).
