Elxan Abdullayev: Bu heyətlə nəyəsə nail olmaq çətindir

"Neftçi"nin baş məşqçisi Elxan Abdullayev Azərbaycan Premyer Liqasının 13-cü turu çərçivəsində "Kəpəz"ə qarşı keçirdikləri oyunu şərh edib. Azerisport.az xəbər verir ki, paytaxt klubunun çalışdırıcısı 0:2 hesabıyla bitən qarşılaşmadan sonra bunları söyləyib:

- Bu komanda ilə nəsə etmək çətindir. Bu gün hər iki komanda qələbə üçün çalışdı, döyüşkən futbol izlədik. Rəqibdən fərqli, biz ələ düşən şanslardan yararlana bilmədik və buna görə də uduzduq.

- Mövsümü "Neftçi" üçün bitmiş saymaq olar?
- Xeyr, qarşıda hələ 15 oyun var. Bu oyunlardan maksimum xalla ayrılsaq, nəyəsə ümid etmək olar. Sadəcə, medal qazanmaq şansımızı hər oyun daha da azaldırıq.

- Bu matçda ən çox nəyi bəyənmədiniz?
- Müdafiədə pis oynadıq. Hər oyunda qol buraxırıq. Özü də azı 2 qol. Müdafiə xəttimizdə ciddi problemlər var.

- Bəlkə psixoloqa müraciət edəsiniz ki, sizi bu vəiyyətdən çıxarmağa kömək etsin...
- Yaxşı ideyadır. Amma dövrənin sonuna az qalıb. Bizim komandada psixologiya xüsusi önəm daşımır. Burada əsas məsələ ustalıq problemidir.

- Amma ustalığı olanlar da yaxşı oynamır...
- Gözləmək lazımdır. Uduzmağı mən də xoşlamıram. Bu heyətlə nəyəsə nail olmaq çətindir. Heyəti gücləndirmək lazımdır.