Qarabağ Avroliqanın şansını saxlayan 22 klubu arasında
Avropa Liqasının qrup mərhələsinin 5-ci turunun oyunlarından sonra daha bir neçə klub pley-offa vəsiqəni təmin etdi. Azerisport.az xəbər verir ki, artıq buna vaxtından öncə nail olan klubların sayı 13-ə çatıb.
6 klub - "Ayaks", "Zenit", "Roma", "Sparta", "Şalke" və "Şaxtyor" pley-offa qrup qalibi kimi vəsiqənin təmin edib.
"Anderlext", APOEL, "Genk", "Atletik", "Krasnodar", "Olimpiakos" və "Sent-Etyen" də pley-offa vəsiqə qazanıb.
22 klub isə pley-offa vəsiqə qazanmaq şansını saxlayır. Bunlardan biri də "Qarabağ"dır. Ağdam klubunun qrupunda yer alan digər kollektivlər - "Fiorentina", PAOK və "Slovan" da şansını saxlayır.
Digər qruplarda isə belə şansı olan klublar aşağıdakılardır: "Astra", "Alkmaar", "Austriya", "Braqa", "Vilyarreal", "Gent", "Dandolk", "Sauthempton", "Selta", "Standard", "Styaua", "Feyenoord", "Makkabi" (Təl-Əviv), "Mançester Yunayted", "Osmanlıspor", "Fənərbaxça", "Hapoel" (Beer-Şeva) və "Sürix".
13 klubun isə mübarizəni dayandırdığı dəqiqləşib. Bunlar Azərbaycanı təmsil edən "Qəbələ", eləcə də "Astana", "Viktoriya", "Zalsburq", "Zarya", "İnter", "Konyaspor", "Maynts", "Nitsa", "Panatinaikos", "Rapid" (Vyana), "Sassuolo" və "Yanq Boyz"dur.
Qeyd edək ki, Avroliqada qrup mərhələsinin son turunun oyunları dekabrın 8-də keçiriləcək.
