Qəbələ ardıcıl 5-ci oyunda da uduzdu

Bu gün Avropa Liqasında qrup mərhələsinin 5-ci turunun oyunları keçirilib. Azerisport.az xəbər verir ki, Azərbaycan təmsilçisi "Qəbələ" də növbəti sınağına çıxıb.

C qrupunda mübarizə aparan Roman Qriqorçukun çalışdırdığı komandamız doğma meydanda "Anderlext"lə qarşılaşıb. Bölgə klubu qrupdakı ilk xalını və qələbəsini qazanmağı hədəfləsə də, yenə məğlub olub. Halbuki, penalti zərbəsi ilə hesabı bərabərləşdirən Rikardinyo növbəti 11 metrlik zərbəni də dəqiq yerinə yetirə bilsəydi, hər şey daha yaxşı bitə bilərdi.

Qrupun digər oyununda Fransanın "Sent-Etyen" klubu Almaniya "Maynts"ını qəbul edəcək.

Avropa Liqası
C qrupu
24 noyabr

“Qəbələ” - “Anderlext” - 1:3 (1:1)
Qollar: Y.Tilemans, 11 (0:1). Rikardinyo, 15-pen. (1:1). M.Bruno, 90 (1:2). L.Teodorçik, 90+4 (1:3).
Matçın 74-cü dəqiqəsində Rikardinyo penaltidən yararlana bilməyib.
Sarı vərəqə: E.A.Sova, 28. L.Dendoker, 42. R.Eyubov, 63. F.Buks, 72. R.Eyubov, 89.
Qırmızı vərəqə: R.Eyubov, 89.
Baş hakim: Yevgeni Aranovski (Ukrayna).
Bakı. “Bakcell Arena”.

"Qəbələ": 22. Dmitri Bezotosnı, 7. Nika Kvekveskiri, 11. Asif Məmmədov, 15. Vitali Vernidub, 18. Baqali Dabo (10. Ruslan Qurbanov, 52), 19. Filip Ozobiç, 20. Rikardinyo, 27. Teo Uiks, 32. Rəşad Eyubov, 34. Ürfan Abbasov, 44. Rafael.
Ehtiyat oyunçular: 33. David Petrkeviç, 3. Voyislav Stankoviç, 6. Rəşad Sadiqov, 17. Məhəmməd Mirzəbəyov, 30. Petar Franyiç, 88. Tellur Mütəllimov.
Məşqçi: Sənan Qurbanov.
"Anderlext": 23. Frank Buks, 5. Uroş Spayiç, 14. Bram Neytink, 17. Dieqo Kapel (10. Massimo Bruno, 60), 18. Frank Aşamponq, 31. Yuri Tilemans (k), 32. Leander Dendoker, 37. İvan Obradoviç, 41. Emmanuel-Acey Sova, 73. Nikolae Stançu (94. Sofyan Anni, 70), 91. Lukaş Teodorçik.
Ehtiyat oyunçular: 1. Davi Ruf, 8. Stefan Baci, 9. Hamdi Harbaui, 22. İdrissa Dumbiya, 40. Vaut Fas.
Baş məşqçi: Rene Vayler.